Потресот на мозокот е привремено нарушување на мозочната функција предизвикано од директен удар во главата или силен удар на телото. Иако овие повреди често се нарекуваат „благибидејќи не покажуваат видливи промени на радиолошките иследувања, тие бараат сериозно внимание за да се спречат долгорочни последици.

Како да препознаете знаци на потрес?
Симптомите можат да бидат суптилни и не мора да се појават сите одеднаш. Набљудувајте ги промените кај вашето дете во следните четири области:

1. Физички симптоми
Главоболка или специфичен „притисокво челото.
Гадење, вртоглавица или губење рамнотежа.
Заматен вид и зголемена чувствителност на светлина или бучава.

2. Размислување и меморија
Детето заборава инструкции или не се сеќава на настаните непосредно пред ударот.
Бавно одговара на прашања и има тешкотии со концентрацијата.

3. Расположение и однесување
Невообичаена разразливост, нервоза или тага.
Промени во личноста или агресивно однесување кое не е вообичаено за детето.

4. Спиење и енергија
Чувство на екстремен замор и поспаност.
Промени во вообичаениот ритам на спиење (премногу или премалку).

5. Кога ситуацијата е итна?
Во ретки случаи, ударот може да предизвика посериозна траума. Побарајте итна медицинска помош доколку забележите:
Едната зеница е видливо поголема од другата.
Силна главоболка која постојано се влошува.
Повторено повраќање или појава на напади (конвулзии).
Нејасен говор, екстремна збунетост или неможност за будење.

6. Како до целосно закрепнување
Закрепнувањето мора да биде постепено и под надзор на професионалец.
Доколку постои најмал сомнеж за потрес за време на спорт, детето мора веднаш да се повлече од игра. Повторен удар додека првиот уште се лекува може да доведе до опасни компликации.

Ментален и физички одмор: Првите неколку дена се клучни. Ограничете ги активностите што го заморуваат мозокот, како учење, видеоигри и време пред екрани.

Постепено враќање на активности: Штом симптомите ќе исчезнат во мирување, детето може полека да се враќа на училиште, а дури потоа на физички активности.